वीर शहीदां री खबरां

उडती-उडती जाए रे कुंरजियां, परदेशा मे जाईये रे…..।
छैल भँवर जी फौजा बसे, म्हारो जी घबरावे रे…. ।।
लाईजो खबरां ने, अरररर लाईजो खबरां ने…… ।
भारत रा वीर किण विद लडियां रे , लाईजो खबरां ने…।।

सरहद माथे दुश्मन वारा डेरा कतरा मंडियां रे…..।
छैल भँवर जी किं करता रे म्हाने सुणाईद्यो रे….।।
लाईजो खबरां ने, अरररर लाईजो खबरां ने…।
भारत रा वीर किण विद लडियां रे , लाईजो खबरां ने..।।

रण मे कतरी गोळी चाले, कतरो खून बहावे है…।
छैल भँवर म्हारा कतरां ने तो पार लगाया रे….।।
लाईजो खबरां ने, अरररर लाईजो खबरां ने……।
भारत रा वीर किण विद लडियां रे , लाईजो खबरां ने….।।

सरहद री होली रे पिवजी घणा दना सूं खेलो हो…।
अबके फागण घरां पधारो संग मे खेलां रे….।।
लाईजो खबरां ने, अरररर लाईजो खबरां ने……।
भारत रा वीर किण विद लडियां रे , लाईजो खबरां ने….।।

उडती-उडती आई रे कुंरजियां परदेशा सूं आईये रे…।
छैल भँवर री खबरा ने वा यूं सुणावे रे …।।
सुणल्यो खबरां ने, अररर सुणल्यो खबरां ने…।
रण मे सूरां झगडो झेले रे, सुणल्यो खबरां ने…।।

टीले-टीले दुश्मण बैठा बन्दूका तो ताणी रे…।
छैल भँवर जी झूंझे अकेला बिना पाणी रे…।।
सुणल्यो खबरां ने, अररर सुणल्यो खबरां ने…।
रण मे सूरां झगडो झेले रे, सुणल्यो खबरां ने…।।

धक-धक गोळी चाले, तोपा वारा गोळा रे…।
छैल भँवर थारा पच्चीसा ने पार लगाया रे..।।
सुणल्यो खबरां ने, अररर सुणल्यो खबरां ने…।
रण मे सूरां झगडो झेले रे, सुणल्यो खबरां ने….।।

लडता- लडता थारा पियुजी छाती गोळी झेली रे..।
छैल भँवर जी स्वर्ग ग्योडा, घरे पधारे रे…।।
सुणल्यो खबरां ने, अररर सुणल्यो खबरां ने…।
रण मे सूरां झगडो झेले रे, सुणल्यो खबरां ने…।।

मरवण री आँखड्ल्या छलकी, देख तिरंगो ताबूत पे..।
भारत माँ री रक्षा मे ढोलां दीन्ही जान रे….।।
वे ग्या अमर रे, अररर वे ग्या अमर रे…।
भारत रा वीर समर चढ्या रे, वे ग्या अमर रे…।।

माँ बापा रो सहारो टूटो मरवण सूनी माँग रे..।
भारत री धरती तो थारो राखे मान रे..।।
वे ग्या अमर रे, अररर वे ग्या अमर रे..।
भारत रा वीर समर चढ्या रे, वे ग्या अमर रे..।।

रंग गुलाबी होली सोह्वे, रक्ता सूं क्यो खेली रे ।
मातृभूमि री रक्षा मे थां दी कुर्बानी रे ..।।
वे ग्या अमर रे, अररर वे ग्या अमर रे…।
भारत रा वीर समर चढ्या रे, वे ग्या अमर रे….।।

Rights Available Click Here



Writers Available




Leave a Comment

Your email address will not be published. Required fields are marked *