KATAHAL

Yah kahaanii hai ek aise premii yugal kii jo apanii suujhabuujh se ek kattarpanthii ke changul se bach nikalate hain.
Kahaanii kii shuruuaat MAHAK 24, ke study room se hotii hai jahaa wah bahut pareshaan hai baar baar kayii kitaaben palat rahii hai aur pareshaan hokar phone milaatii hai .
Wah , MAHESH 24 se baat karatii hai.Baatchiit se maluum padataa hai ki use ek project banaana hai lekin ghar par mausi aayi hain aur maa kii tabiiiyat bhii kharaab hai jisase saaraa kaam usii ko karanaa pad rahaa hai , isiiliye wah Mahesh se kahatii hai ki agar tumako mujhase pyaar hai to mera project tum banaa do.Lekin Mahesh yah kah kar inkaar kar detaa hai ki project khud se banaogii tabhii tumhe samajh me aayegaa ,mai tumhe samajhaa de rahaa huu ,tum khud hii banaa lo aur agale din park me project samajhaane ke liye bulaataa hai.
Agale din dono park me aate hain.Mahesh project ke baare me samajaha rahaa hai tabhii SANTOSH 35,apane do saathiyo ke saath aa jaataa hai.Santosh ek kattarpanthii yuwak hai ,usake anusaar ladakii ya to patnii ho sakatii hai yaa bahan,dost nahiin. Wah usase kahta hai yaa to mangalsuutra pahanaao ya raakhii bandhawaao,dono inkaar karte hain. Mahak kahatii hai sir life me sarii chiijen do hii option me nahii hotiin.Is par Santosh chalange karataa hai ki use koyii bhii do option de wah uname se ek chun kar dikhaayegaa.
Mahesh usake sabjii wale thaile me katahal dekhataa hai aur kahataa hai sir aapko katahal pasand hai to abhii turant isako khaa jaaiye,Santosh ke inkaar karane par Mahak kahatii hai ya to turant khaaiye yaa fenk diijiye.Santosh aur usake sathii soch me pad jaate hain.
Maukaa dekhakar dono wahaa se bhaag nikalate hain.Road ke kinaare dono khade hain aur Mahesh apane shirt ke niiche se ek file nikaal kar Mahak ko deta hai aur kahataa hai tumhaaraa project samajhanaa jaruurii thaa.Mahak project banaa huaa paakar khush ho jaatii hai aur dono gale milate hain.

Rights Available Click Here



Writers Available




Leave a Comment

Your email address will not be published. Required fields are marked *